2025-жылдын 9- сентябрында Ысык-Көл педагогикалык колледжинде Кыргыз Республикасынын Министрлер Кабинетинин Төрагасынын тапшырмасын аткаруу максатында жергиликтүү калк менен жолугушуулар уюштурулду.
Иш-чарага Кыргыз Республикасынын мамлекеттик органдарынын өкүлдөрү, адистер жана Балыкчы шаарынын мэри Жантаев Б.Т катышты. Жолугушууда билим берүү, илим жана инновация тармактарындагы маселелер боюнча маалыматтар берилип, жарандардын суроолоруна жооптор айтылды.
Жолугушуулар оффлайн форматта мамлекеттик жана расмий тилдерде өткөрүлдү.
Программа алкагында төмөнкү темалар боюнча маалыматтар берилди:
илимди өнүктүрүү жана колдоо боюнча иштер;
жогорку, орто кесиптик жана андан кийинки билим берүү тармагындагы маселелер;
экспертизаларды жүргүзүү тартиби жана өзгөчөлүктөрү;
инновациялык экосистеманы өнүктүрүү жана ишкердикти илгерилетүү.
Жолугушуулардын соңунда катышуучулар суроо-жооп форматында кызыктырган суроолоруна жооп алышты.
Бул иш-чаралардын негизги максаты – билим берүү, илим жана инновациялар тармагындагы мамлекеттик саясатты жайылтуу, ошондой эле калкты бул жааттагы жаңылыктар менен тааныштыруу болуп саналат.
